Ернұр Рысмағамбетов

Ернұр Рысмағамбетов мырза технологиялар, білім беру, сауда және финтех салаларындағы ерте сатыдағы жобаларға қолдау көрсететін Alphabet Limited венчурлық студиясының негізін қалаушы және Бас директоры. Ол сонымен қатар BTS Digital Ventures Limited компаниясының Бас атқарушы директоры. Бұған дейін «АХҚО әкімшілігі» АҚ Басқарма төрағасы лауазымын атқарған.

Өз мансабының басында Рысмағамбетов мырза JP Morgan Chase және Wilshire Associates компанияларында қаржы және инвестициялық аналитик болып жұмыс істеді. Кейін Al Falah Capital Partners компаниясының инвестициялар жөніндегі директоры, Қазақстан Ұлттық Банкі Ұлттық инвестициялық корпорациясының бас инвестициялық директоры және бас директорының орынбасары лауазымдар атқарды.

Рысмағамбетов мырза Үздіксіз кәсіби даму бюросын (BCPD), QWANT озық технологиялар мектебін және т.б. қоса алғанда, дарынды мамандар мен кәсіби кемелденуді дамытумен байланысты бірқатар жобалардың негізін қалаушы.

Сертификатталған қаржылық аналитик (CFA). Калифорния технологиялық институтында (CALTECH) бизнес, экономика және менеджмент саласындағы ғылым бакалавры дәрежесіне ие. Гонконг ғылым және технологиялар университетінің (HKUST) Executive MBA бағдарламасының түлегі.