Санжар Жамалов

Санжар Қазақстанда, Қырғызстанда, Тәжікстанда, Түркіменстанда Mastercard бизнесінің дамуы мен өсуіне, серіктестермен қарым-қатынасты дамытуға, банктер үшін де, тұтастай төлем экожүйелері үшін де әртүрлі цифрлық өнімдер мен төлемдерге, эквайрингке, киберқауіпсіздікке, сондай-ақ басқа да салаларға арналған шешімдерді жасау мен синергияға жауапты. Оның жұмысының маңызды бағыты – елдердің үкіметтерімен оларда қолма-қол ақшасыз экономиканы дамыту мақсатында қарым-қатынас орнату.

Санжардың қаржы және телекоммуникация салаларында, соның ішінде «Казкоммерц Секьюритиз» АҚ, «Қазақтелеком» АҚ және ING Bank N.V. Лондондағы кеңсесінде (Ұлыбритания), Қазақстан Республикасы Ұлттық Банкінде, сондай-ақ өкілдік басшысы лауазымына дейін көтерілген Қазақстандағы ING Bank N.V. өкілдігінде үлкен тәжірибесі бар.

Кембридж университетінің (Ұлыбритания) Executive MBA дәрежесіне, Ньюкасл университетінің (Ұлыбритания) халықаралық қаржылық талдау магистрі дәрежесіне және Карлов университетінің (Чехия) қаржылық математика бойынша бакалавр дәрежесіне ие. Сондай-ақ оның беделді CFA қаржылық сертификаты және Institute of Directors-тың (Ұлыбритания) тәуелсіз директоры сертификаты бар.