Барлық спикерлер
Ясин Анвар
Орталық Азиядағы Жасыл инвестициялар қағидаттары өңірлік кеңсесінің төрағасы, 2011-2014 жж. Пәкістан Мемлекеттік банкінің бұрынғы төрағасы
Ясин Анвар мырзаның халықаралық банк қызметі мен реттеу саласында 40 жылдан астам тәжірибесі бар, ол 2014 жылы жеті жыл қызмет еткен Пәкістан Мемлекеттік банкінің (Орталық банк) Төрағасы лауазымынан кетті. Басқарушы ретінде Анвар мырза 40-тан астам банкті қадағалап, ақша-кредиттік саясатқа әсер етті және қаржылық қолжетімділік үшін филиалсыз банктік қызмет көрсету моделін/стратегиясын дамытты, оның сәттілігі бүкіл әлемде мойындалды. Ол 2014 жылдан 2020 жылға дейін Сингапурдағы Қытай өнеркәсіптік-коммерциялық банкінің аға кеңесшісі қызметін атқарды және қазіргі уақытта Yaseen Anwar & Associates басқару жөніндегі кеңесшілер компаниясының негізін қалаушы төрағасы болып табылады. 2020 жылдың желтоқсанында Дүниежүзілік банк/IFC оны Пәкістанның орнықты банк ісі бойынша банк саясаты жөніндегі аға кеңесші етіп тағайындады. Орталық банкке келгенге дейін Анвар мырза Нью-Йоркте, Лондонда, Парижде және Египетте JPMorganChase, Bank of America және Merrill Lynch компанияларында әртүрлі жоғары басшылық лауазымдарда жұмыс істеді. Пенсильвания университеті Уортон мектебінің түлегі.
2021 жылдан бастап «Белдеу және Жол» бастамасының Орталық Азиядағы Жасыл инвестициялар қағидаттары өңірлік кеңсесінің төрағасы болып табылады.