Тимур Турлов

Тимур Турлов – қазақстандық кәсіпкер және қаржыгер, Freedom Holding Corp. жария компаниясының бас атқарушы директоры, нарықтық капиталдандыру 5 млрд АҚШ долларынан жоғары.

Тимур Турлов әлемдік іскерлік басылымдарда қаржы-экономикалық мәселелерге қатысты тұрақты түрде түсініктеме береді, халықаралық конференцияларда дәрістер мен баяндамалар оқиды, сондай-ақ білім беру жобаларымен айналысады.

Forbes Kazakhstan-ның мәліметі бойынша Қазақстанның ең бай кәсіпкерлері (2024) және еліміздің ең ықпалды кәсіпкерлері (2023) рейтингінде бесінші орында.

Т. Турлов қызметінің маңызды бағыттарының бірі қазақстандық IT саласында жұмыс істейтін стартаперлер мен жас кәсіпкерлерді қолдау болып табылады. Ол Қазақстанның Sergek Group, Chocofamily Holding, Naimi.kz, Relog, Cerebra, Citix, EasyTap, УправДом, MED 365 және басқалар сияқты цифрлық жобаларына ірі инвестор болып табылады. Осы мақсатта 170 миллион АҚШ долларынан астам инвестиция салынды.

Т. Турлов қоғамдық қызметпен белсенді түрде айналысады. 2023 жылғы қаңтар айынан бастап «Қазақстан шахмат федерациясы» ӨҚҰ-ны басқарады. 2023 жылғы сәуір айында еліміздің барлық өңірінде жас қазақстандық футболшыларды қолдауға бағытталған Freedom QJ League іске қосылды.