Барлық спикерлер
Тимоти Беннетт
АХҚО стратегия жөніндегі директоры, Astana International Exchange Директорлар кеңесінің төрағасы
2018 жылдың мамырында AIX Басқарма төрағасы лауазымына тағайындалғанға дейін Тимоти Беннетт Жаңа Зеландия қор биржасының (NZX) басқарма төрағасы, бағалы қағаздар нарығы мен дериватиттер нарығының лицензияланған операторы болды. Ол Биржаның сауда және клирингтік жүйелерін ауыстыру мен жаңғыртуды, сондай-ақ Жаңа Зеландия қор биржасының Басқарушы қоры арқылы 23 биржалық инвестициялық қорды іске қосуды қоса алғанда, елеулі ұйымдық және нормативтік өзгерістер кезеңінде NZX басқарды.
NZX алаңындағы жұмыс кезінде Жаңа Зеландия үкіметі капитал нарығы елдің экономикалық өсуінің негізгі қозғаушы күшіне айналуы үшін бірқатар мемлекеттік кәсіпорындарды жекешелендірді. NZX-ке келгенге дейін Тимоти Беннет Азиядағы Oliver Wyman және Boston Consulting Group компанияларында серіктес болды. Оның консалтингтегі тәжірибесі Азия, Таяу Шығыс сияқты елдер мен олардың биржалары үшін стратегияларды әзірлеу мен капитал нарығын дамытуды, сондай-ақ деривативтер саудасына арналған нарықтарды, бірінші кезекте, темір рудасы нарығын дамытуды қамтиды.
Пенсильвания Университетінің Уортон мектебінің іскерлік әкімшілендіру магистрі және Веллингтондағы Виктория Королева университетінің сауда және әкімшілендіру саласындағы бакалавр дәрежесі бар.