3-5 шілде 2018 — Астана, Қазақстан

3-5 шілде 2018

Біз туралы

2018 жылғы 5 шілдеде Қазақстанның астанасы – әлемдегі ең жас және жылдам өсіп келе жатқан қалалардың бірі Астана өзінің 20 жылдығын атап өтеді. Соңғы 20 жылда Астана өңірдің әкімшілік, мәдени және іскерлік орталығы ғана болып қоймай, сонымен қатар Қазақстан экономикасын өзгертуде бірқатар істер атқарып үлгерді. Қаржы орталығы деп танылған Астананың қалыптасуын мерекелеу «Астана» халықаралық қаржы орталығын ресми түрде іске қосумен ұштасатын болады.

АХҚО ресми ашылуы Astana Finance Days-тің негізгі іс-шарасына айналады, онда мемлекеттер мен шетелдік ұйымдардың басшылары, шетелдік саясаткерлер мен жеке сектордың өкілдері, қаржылық сарапшылар мен ең ірі трансұлттық компаниялардың басшылары, ғылыми топтар мен талдамалық орталықтардың сарапшылары жиналатын болады. Жергілікті және өңірлік нарықтарды дамыту мен ынтымақтастықты нығайту үшін АХҚО ең үздік сарапшыларды тартуға ниеттеніп отыр. Біз дамудың шешуші салаларын айқындап, проблемаларды шешумен және
Астананың жаһандық қаржы орталығы ретінде қалыптасу мүмкіндіктерімен жұмыстанып жатырмыз.
Astana Finance Days бірқатар форумдарды қамтиды, оларда түйінді мәселелер эксклюзивті түрде талқыланатын болады. Іс-шараның панельдік сессиялары мен дөңгелек үстелдерінде нарықтарды, инвестицияларды және іскерлік ахуалды, капиталдың жергілікті нарықтарының тереңділігі мен өтімділігін қолдау мен қорғауда мықты және танылған құқықтық базаның маңыздылығы талқыланатын болады.
Панельдік сессиялардың жеке сериясы цифрлық экономиканың негізінде жатқан қаржылық технологияларды реттеу, технологиялар саласындағы соңғы үрдістер, жыныстық белгісіне қарай кемсітушілікті қоса алғанда, қазіргі кедергілерді жою қажеттігі, криптовалюта мен басқа да блокчейн-құралдардың тәуекелдері мен мүмкіндіктері сияқты түйінді мәселелерді ашып көрсетеді. Астана Еуразиялық экономикалық одаққа қақпа болуға ұмтылуда, сондай-ақ Белдеу және жол бастамасы үшін қазірдің өзінде қаржылық көрсетілетін қызметтердің өңірлік орталығы деп есептелуде. Белдеу және жол форумы өңір елдерінің геоэкономикасы мен дипломатиясына ғана емес, сонымен қатар инфрақұрылымдық инвестициялардың ерекшелігіне де арналатын болады.
Astana Finance Days бағдарламасы ілеспе іс-шаралар мен платформаларды қоса алғанда, негізгі панельдік пікірталастар мен АХҚО ресми ашылуын қамтиды. Қонақтар пікірталастарға қатысып, АХҚО биржасының, жаңа технологиялық өнімдер мен көрсетілетін қызметтер көрмесінің іске қосылатынын көретін болады, сондай-ақ Қазақстан және АХҚО қызметі туралы көбірек мағлұмат алады.