Энергия инвестициясы: тұрақты болашаққа арналған Smart Grid технологиялары

Сипаттама

Панельдік сессия аясында электр энергетикасы саласындағы өзекті тақырыптар, соның ішінде Smart Grid технологиясын пайдалану, пилоттық жобалар мен рефераттық модельдер, жасыл технологиялар және Азия Даму Банкінің (АДБ), Еуропа Қайта Құру және Даму Банкінің (ЕҚДБ) осы саладағы рөлі талқыланады. Панельдік сессияда спикерлер ретінде Қазақстан Республикасының Энергетика министрі, АДБ, ЕҚДБ және 4ӨР орталығы базасындағы «Индустрия 4.0» технологиялық консорциумының өкілдері қатысады.

Талқылау барысында Қазақстанда енгізілген пилоттық жобалардың мысалдары қаралатын және әзірленіп жатқан пилоттық жобалық Smart Grid рефераттық архитектурасы ұсынылатын болады. Сондай-ақ, спикерлер осы салада қандай инновациялар бар екенін, сондай-ақ жақын арада тағы қандай инновациялар енгізілуі мүмкін екенін талқылайды.

Панельдік сессияда талқылаудың негізгі тақырыптарының бірі өңірдегі энергетика секторын қолдау мен Smart Grid технологиясын дамыту ісіндегі АДБ рөлі болады. Спикерлер АДБ қаржыландыруының арқасында қандай жобалар іске асырылғанын және болашақта қандай жобалар іске асырылуы мүмкін екенін талқылайды.

Тағы бір маңызды тақырып – ЕҚДБ жасыл қаржыландыруды қолдау бағдарламасы. GEFF (Green Economy Financing Facility) бағдарламасының жаңа кезеңі кәсіпорындардың энергия тиімділігін арттыруға бағытталған жобаларды қаржыландыруға және қолдауға арналған.

Мақсаты:

сарапшылар мен электр энергетикасы саласының өкілдері арасында тәжірибе және идеялармен алмасу. Сондай-ақ, қатысушылар осы салада жаңа технологияларды енгізуге байланысты қиындықтар мен мүмкіндіктерді талқылай алады.

Панельдік сессияның барлық қатысушылары Energy Transition, Green Finance, ESG саласындағы тәжірибелі мамандардан құнды ақпарат пен білім ала алады, сондай-ақ тиімдірек және экологиялық таза энергетикалық жүйені құруға көмектесетін технологиялар туралы біле алады.